Dewch i Siarad am Eisteddfod 2024
Mae nifer o bobl wedi dweud mai Eisteddfod Genedlaethol 2024, a gafodd ei chynnal ym Mharc Coffa Ynysangharad, Pontypridd rhwng 3 a 10 Awst 2024 oedd yr "Eisteddfod Genedlaethol orau erioed". Amcangyfrifir bod mwy na 186,000 o bobl wedi mynychu'r ŵyl lwyddiannus iawn dros gyfnod o wyth diwrnod.
Roedd ymwelwyr wedi mwynhau gwledd o gerddoriaeth, llenyddiaeth a chelf a llawer yn rhagor! Mae modd i chi fwrw golwg ar uchafbwyntiau'r wythnos ar dudalen YouTube S4C - YMA.
Dyma’ch cyfle chi i DDWEUD EICH DWEUD am eich profiad chi yn Eisteddfod Genedlaethol Rhondda Cynon Taf. Mae arolwg byr ar waelod y dudalen yma yn rhoi cyfle i chi ddweud eich dweud, a chithau’n berchennog busnes neu’n drigolyn Rhondda Cynon Taf.
Pe hoffech chi gwblhau’r arolwg wyneb yn wyneb, mae croeso i chi ddod i unrhyw un o’r sesiynau canlynol:
Llyfrgell Treorci – Dydd Mercher 12 Mawrth 2025 (10am-4pm)
Llyfrgell Aberdâr – Dydd Mercher 19 Mawrth 2025 (10am-4pm)
Llyfrgell Pontypridd - Dydd Iau 27 Mawrth 2025 (10am-4pm)
Cymorth gyda'r Gymraeg
Helo Blod - https://busnescymru.llyw.cymru/heloblod
Gwasanaeth cyflym a chyfeillgar AM DDIM sy'n darparu gwasanaeth cyfieithu Cymraeg, gwirio testun, yn ogystal â chyngor, cymorth a chanllawiau ymarferol sy’n galluogi busnesau ac elusennau i ddefnyddio ychydig (neu dipyn) o Gymraeg. Mae modd i Helo Blod gyfieithu hyd at 500 gair i’r Gymraeg bob mis, yn hollol rad ac am ddim.
Newydd i Helo Blod? Mae'n gyflym ac yn hawdd. Ar ôl i chi gofrestru, dyna ni - rydych chi'n barod i fynd!
Menter Iaith Rhondda Cynon Taf - https://menteriaith.cymru
Mae Menter Iaith Rhondda Cynon Taf yn hyrwyddo, cydlynu a darparu gweithgareddau a gwasanaethau Cymraeg ledled Rhondda Cynon Taf. Trwy eu gwaith, maen nhw'n cynyddu nifer y cyfleoedd i bobl o bob oed ddefnyddio'r Gymraeg yn naturiol.
Dysgwch ragor am weithgareddau yn eich ardal chi trwy fwrw golwg ar eu gwefan - https://menteriaith.cymru/events.
Pamffled Rhowch Gynnig ar y Gymraeg
Mae Uned Gwasanaethau Cymraeg y Cyngor wedi cydweithio â Chanol Trefi RhCT i lunio pamffled sy'n annog trigolion i Roi Cynnig ar y Gymraeg gyda busnesau ac mewn siopau lleol. Mae'r pamffled dwyieithog yma'n nodi ffigurau mewn perthynas â'r Gymraeg yn RhCT ac yn egluro ystyr enwau rhai o'n prif drefi. Yn ogystal â hynny, mae'n nodi pa gymorth sydd ar gael o ran dysgu Cymraeg yn lleol, ac yn cynnwys rhestr o ymadroddion defnyddiol y mae modd i chi roi cynnig arnyn nhw o ddydd i ddydd.
Mae modd i chi fwrw golwg ar y pamffled o ddan Dolenni Pwysig, neu os oes angen copïau papur o'r pamffled arnoch chi, e-bostiwch Garfan Canol Trefi'r Cyngor: canoltrefi@rctcbc.gov.uk.
Dysgu Cymraeg
Os ydych chi'n dysgu Cymraeg, ddim wedi'i ddefnyddio ers sbel neu wedi ystyried dechrau dysgu o'r blaen, beth am ddechrau arni heddiw? Mae digonedd o gyrsiau Cymraeg yn lleol gyda Dysgu Cymraeg. Cadwch lygad hefyd ar dudalennau’r Fenter Iaith am gyfleoedd i ymarfer eich sgiliau newydd neu fagu hyder wrth ddefnyddio eich sgiliau mewn lleoliad anffurfiol.
Mae'r Gymraeg yn perthyn i bawb yn Rhondda Cynon Taf
