Dewch i Siarad am y Gyllideb 2024 - 2025 (Cam 2)

Mae'r ymgynghoriad yma bellach wedi dod i ben. Mae canlyniadau'r prosiect yma bellach yn cael eu dadansoddi. Byddwn ni'n ychwanegu dolenni i adroddiadau a rhagor o wybodaeth pan maen nhw ar gael.

Ar 20 Rhagfyr 2023, cyhoeddodd y Gweinidog Cyllid a Llywodraeth Leol y Setliad Dros Dro ar gyfer Llywodraeth Leol ar gyfer 2023/24. Dyma'r cyllid mae cynghorau ledled Cymru yn ei dderbyn gan Lywodraeth Cymru, ac mae'n ffurfio prif ran ein cyllideb flynyddol.

Mae'r setliad terfynol ar gyfer Rhondda Cynon Taf yn dangos cynnydd o 2.8%, sy'n llai na'r cyfartaledd ledled Cymru, sef +3.1%.

Roedd lefel setliad cyfartalog Cymru gyfan ar gyfer 2024/25 yn unol â’r disgwyl, ond dydy hynny ddim yn ddigon i ariannu’n llawn y pwysau sylweddol sy'n wynebu'r Cyngor, ac hefyd ar adeg pan fo ein trigolion, busnesau a chymunedau yn parhau i wynebu argyfwng costau byw.

Ar hyn o bryd rydyn ni'n wynebu diffyg yn y gyllideb (sef y gwahaniaeth rhwng faint sydd angen i ni ei wario a faint o arian sydd gyda ni). Mae'r diffyg yn fwy na £36 miliwn.

Rhaid i ni wneud penderfyniadau a chymryd camau i sicrhau bod ein cyllideb ar gyfer 2023/24 yn deg i bawb, yn diogelu ein gwasanaethau allweddol ac yn ein gadael ni mewn sefyllfa well ar gyfer flwyddyn nesaf.